1-июлдан тарта мамлекет тарабынан мүмкүнчүлүгү чектелген балдарга берилген жөлөк пул көтөрүлөт. Бул тууралуу Эмгек жана социалдык өнүктүрүү министрлигинен кабарлашты.
Маалыматка ылайык, 1, 2, 3 тайпадагы мүмкүнчүлүгү чектелген жаш балдарга берилген жөлөк пулдун суммасы көтөрүлөт. Ага ылайык, 1-тайпадагы балдардыкы 3 миң сомдон 4 миң сомго, 2- тайпадагы балдардык 2,5 миң сомдон 3 300 сомго көтөрүлдү. Ал эми 3-тайпадагы балдар буга чейин 2 миң сом алып келишсе мындан ары 2 700 сомдон берилет. Мындан тышкары, ВИЧ, СПИД менен ооруган наристелерге төлөнгөн жөлөк пул дагы 3 миң сомдон 4 миң сомго көтөрүлдү.
