Президент Сооронбай Жээнбеков 10-июнда Кытай Эл Республикасынын Циндао шаарында өткөн Шанхай кызматташтык уюмуна мүчө мамлекеттердин башчыларынын Кеңешинин жыйынына катышкандан кийин Бишкек шаарына кайтып келди.
Саммиттин жыйнтыгы менен бир катар биргелешкен документтерге, анын ичинде Циндао декларациясына кол коюлду.
ШКУнун төрагалыгы Кыргызстанга өттү, кийинки саммит 2019-жылы Бишкекте өтөт.
Президент Сооронбай Жээнбеков ШКУнун саммитинин алкагында Тажикстан, Монголияны президенттери жана Индиянын премьер-министри Нарендра Моди менен жолугушту.
Сапар аяктап, Бишкекке учаар алдында Президент Сооронбай Жээнбеков самолеттун бортунда аны Кытайга болгон сапарында коштоп жүргөн журналисттер менен аңгемелешти. Мамлекет башчысы журналисттерге мазмундуу жана ыкчам иштегендиги үчүн ыраазычылык билдирип, анын Кытайга жасаган мамлекеттик сапары Кыргызстан үчүн зор мааниге ээ экендигин белгиледи.
Кыргызстандын президентинин Кытайга жасаган мамлекеттик сапарын жана ШКУнун саммитине катышуусун кыргызстандык жана чет мамлекеттик 13 журналист чагылдырды.
