6-апрелде Экономика министри Арызбек Кожошев менен «Легпром» ассоциациясынын өкүлдөрү жолугушту. Жыйынга РСК жана Айыл банк өкүлдөрү дагы катышышты.
Кыргызстанда алгачкы жолу экспортко багыттаган ишканаларга субсидия берилет. Учурда Экономика министрлиги “Экспортко багытталган ишканаларды каржылоо” мыйзам долбоорун иштеп чыгууда.
Насыянын үстөк пайызы 10%дын тегерегинде болот.
Кыргызстанда жеңил өнөр-жайы өнөр-жайдын негизги тармактарынын бири болуп саналат. 2016-жылы Кыргызстандан 95,5 млн. долларга тигүүчүлүк өнүмдөрү экспорттолгон, бул экспорттун жалпы көлөмүнүн 7 %ын түзөт. Негизинен товарлар Орусияга жана Казакстанга экспорттолот. Кыргызстанда тигүүчүлүк тармак бренд болуп саналат жана сапаты күн сайын жогорулап жатат.
Жеңил өнөр-жайды өнүктүрүү жана өнөр-жай циклин толугу менен камсыз кылуу үчүн пахтаны иштетүүдөн баштап даяр өнүм чыгарууга чейин колдоо болуусу зарыл экенин жеңил өнөр-жай өкүлдөрү билдирди.
Ошондой эле тараптар тармак мындан ары дагы өнүгүүсү үчүн өлкө ичинде ишкерлер мыйзам алкагында иштеши үчүн шарт түзүп берүү зарыл.
Бул өнүмүн башка өлкөгө чыгарууну көздөгөн ишканалар үчүн эң жакшы жаңылык.
