Россияга карата санкциялардын киргизилүүсү тез өнүгүп келе жаткан өлкөлөр менен Батыштын болгон тирешинин башталышы гана болушу мүмкүн.
Муну мурда Советтер Союзуна кирген өлкөнүн жакынкы аралыкта күтүп турган келечеги тастыктап турат. Дегенибиз Латвиянын экономикасынын келечеги баардык жагынан кыйрашы толук ыктымал.
Башында Рига Россияга товар ташуудан баш тарткан экономикалык моделди тандап алган. Андан соң транзиттен да баш тарткан, эми болсо акыркы убакта экономикасын сактап келе жаткан КЭР менен болгон бизнесинен да кол жууп калышы мүмкүн болууда. Россия менен болгон мамилеси солгундагандан кийин Латвия өз портуна чет элдик транзитти кайтарып алууга болгон күчүн жумшады. Бул максатка жетүүдө негизги басым прибалтика компаниялары менен кытай товарларына жана финансылык долбоорлоруна жасалган болчу.
Белгилей кетсек, прибалтика бул жаатта бир катар ийгиликтерге жетише алды. Бирок Сейманын «Согласиядан» чыккан депутаты Сергей Потапкин Вашингтондон бир чалуу келсе эле Россия менен мамилени үзгөндөй КЭР менен дагы акыркы 5 жылда курган мамилесин бузууга аргасыз болорун билдирди.
Потапкиндин пикиринде, мындай абалдын болуусу АКШ Кытай менен экономикалык согушту баштаганынан улам пайда болду. Окуялар ушундай өңүттө улана бере турган болсо Латвия Россия рыногундай эле Кытай рыногун дагы жоготуп алышы толук мүмкүн.
Сергей ЖУКОВ
