Эксперимент космос адамдын тукум куучулук касиетине кандай таасир берерин аныктоо үчүн жүргүзүлмөкчү. Изилдөөчүлөр микрогравитация адамдардын эмбирондук клеткаларына кандай таасир берерин аныкташмакчы. Адамдын организминдеги органикалык молекулалар жердеги гравитациягва байланыштуу иштейт. Окумуштууларга алар космосто өзүн кандай алып жүрөрү азырынча белгисиз.
Цинхуа университетинин профессору Кехуэй Кинин айтымында, бул эксперимент космосту адамдардын багынтуусунда чон роль ойнойт. Ал космос шартында адамдар кантип көбөйө алышары тууралуу түшүнүк берет.
АКШ, Орусия, Европа көптөгөн космостук эксперименттерди жургузүп келишкен. Алар микрогравитация космонавттар үчүн зыяндуубу жокпу жана ал адамдардын булчуңуна жана сөөктөрүнө кандай таасир берерин иликтөөгө багытталган. Ал эми микрогравитациянын адамдардын тукум улоого кандай таасир берери иликтенген эмес. Бирок Марска болгон пландардын айланасында мындай эксперименттер стратегиялык мааниге ээ болуп жатат. Мындан сырткары окумуштуулар жашылчаларды жана өсүмдүктөрдү өстүрүү, мисалы, Кызыл планетада картошка өстүрүүнү иликтеп жатышат.
