Кытай Кыргызстандын негизги соода өнөктөшү жана инвестору болуп калды. 2013–2017-жылдары эки өлкөнүн соода байланышы 8,6%га өстү. Анын 2,5%ы экспортко, 4,7%ы импортко байланыштуу. Бул тууралуу экономика министринин орун басары Алмаз Сазбаков маалымат жыйынында билдирди.
Анын айтымында, Кыргызстан эгемендүүлүккө жеткенден бери эки өлөнүн ортосунда экономика жаатында кызматташуу өнүгүүдө. Бул тармакта эки тараптуу 200дөн ашык келишим түзүлгөн.
2017-жылы Кытай менен Кыргызстандын соода байланышы 1 млрд 597,5 млн долларга жетип, 3,2%га өскөн. Анын ичинен экспорт 97,5 млн долларды түзүп, 21,7%га, импорт 1 500 млн.доллга жетип 2,2%га жогорулаган.
Ал эми 2018-жылдын алгачкы 2 айында соода байланыш 344 млн долларга жетти.
