Экономика министрлиги Кытай өкмөтү менен экономикалык кызматташтыктын алкагында 450 млн юань кайтарымсыз насыя алуу боюнча келишимге кол койду. Бул тууралуу аталган министрликтин маалымат кызматы кабарлады.
Маалыматка ылайык, бөлүнгөн каражат Бишкек шаарындагы унаа көчөлөрүн оңдоого жана салууга коротулат.
Мындан тышкары Кум-Дөбө, Мынакелди жана Бурана тарыхый жайларында изилдөө жүргүзүү жана оңдоп түздөө боюнча да келишим түзүлдү. Аталган долбоорго дагы гранттык негизде 100 млн юань бөлүнөт.
Келишимге өкмөттүн атынан экономика министри Олег Панкратов менен Кытайдын Кыргызстандагы элчиси Сяо Цинхуа кол коюшту.
Булак: Марал радиосу
