Буга чейин таарынычтар, кыжырдануулар тууралуу бир топ жолу айтылган эле. Бирок Түндүк Кореянын лидери жети жылдан кийин биринчи жолу өлкөдөн чыгып, алгачкы сапарын Кытайга жасады. Жабык эшик артында Кытай резиденциясында 3 күн болду. Кытайга Ким Чен Ын жеке «бронепоезди» менен барганы тууралуу кептер айтылууда. Кореялык лидерди жогорку деңгээлде кабыл алышкан.
Бул сапар достук гана эмес, туугандык болду. Си Цзиньпинь конокко тууганым деп кайрылбаса дагы досум деп кайрылары турган иш.
Денуклеаризация маселеси чечилген жок, муну эки лидер тең жакшы түшүнүп жатышат.
“Бул жаздагы биринчи жолугушуу достук түшүмүн берет деп ишенем, ошондой эле Кореялык жарым аралда жана планетада туруктуулукту орнотуп, тынчтыктын болуусуна өбөлгө болот”,-деди Ким Чен Ын. Айырманы сезгиле.
Пекинге Ким Чен Ын келгени боюнча Вашингтон жана Сеул тынчсызданды. Бирок Түндүк Кореянын лидери кеткенден кийин гана Кытайдын коммунисттик партиясынын төрагасы алардын жолугушуусунун максаты тууралуу билдирүү жасады.
Тактап айтканда, алар эмнени каалашканын баары билишти. Бир көз караш, бир багыт, достук жана жардам берүү.
Бул демек КНДР менен тирешүүнү каалагандар КЭР менен иш алпаруусу керек дегенди түшүндүрөт.
