Билим берүү жана илим министрлиги мектеп окуучулары үчүн каникулду 3 февралга чейин узартты. Бул тууралуу аталган мекемеден билдиришти.
Министрлик Өзгөчө кырдаалдар министрлигинин жакынкы күндөрү абанын температурасы төмөн бойдон сакталаары тууралуу маалыматын эске алып, мектеп окуучулары үчүн каникулду узартууну чечти.
Беш күндүк тартипе окуткан мектептерде үч күнгө — 31 январь, 1, 2 февраль;
Алты күндүк окуу жумасы менен мектептерде төрт күнгө — 31 январь, 1,2,3 февралга чейин уланат.
Буга чейин министрлик “Билим берүү жөнүндө” мыйзамынын 31 — беренесине ылайык, балдардын саламаттыгын сактоо максатында мектептерде 30-январга чейин окутуу убактылуу токтотулганы тууралуу билдирген.
Мектепке чейинки билим берүү уюмдарынын иш тартиби боюнча жергиликтүү өз алдынча башкаруу органдары менен макулдашуунун негизинде аймактык билим берүү башкармалыгы тарабынан чечим кабыл алынат.
Кесиптик билим берүү мекемелери чечимди кырдаалга жараша өз алдынча кабыл алат.
