Кыргызстанда жылына 250 миӊ тонна эт өндүрүлүп, 971 тоннасы экспортко чыгарылат. Мындай маалыматты КСДП фракциясынын жыйынында Айыл чарба министринин орун басары Эркин Чодуев билдирди.
Анын айтымында, ошого карабастан, эт Орусиядан, Казакстандан, Украинадан импорттолуп келет.
2017–2021-жылдары тамак-аш өнөр жайын өнүктүрүү программасы иштелип чыккан. Өткөн жылы айыл чарбасына 1 млрд 264 млн сом көлөмүндө 6 үстөк пайыздуу жеӊилдетилген насыя берилди.
Депутаттар Кыргызстанда мал чарбасын өнүктүрүү ар дайым артыкчылыктуу багыттардан болуп келгенин, бирок ушул кезге чейин этти кайра иштетүү тармагы өтө төмөнкү деӊгээлде болуп жатканын, жалпы стандарттарга жооп берген мал союу жайларынын жетишсиздигин белгилешти.
Ошондой эле Кырызстан Кытайдын этинен баш тартты. Анткени Кытай мамлекетинин эти ЕАЭБдин талаптарына жооп бербейт экени белгилүү болду.
