Биздин жолдордун абалы өтө оор, оорулууга дарылануу алдында диагноз коюп, оорунун келип чыгуусун аныктап, дарылоону баштоо керек. Бул салыштыруу жөнөкөй турмушта мамлекеттик аткаминерлерге унаа жолдору боюнча диагностика жүргүзүү керектигинин мисалы.
Өлкөнүн транспорттук системасынын негизги бөлүгүн унаа жолдору түзөт. Жол маселесин чечүүдөн экономиканы туруктуу өнүктүрүүгө, ата мекендик өндүрүштүн атаандаштыкка туруктуулугуна, калктын жашоо шартын жакшыртууга, улуттук жана мамлекеттик коопсуздукту бекемдөөгө байланышкан бир топ маселелер көз каранды.
Кыргызстанда жүк ташуу стратегиялык унаа жолдор аркылуу жүргүзүлөт. Кыймыл көп болгон жол катары Түндүк-Түштүк жолу саналат. Жолдун эскилиги экономикалык өнүгүүгө бир топ кедергесин тийгизип жатат. Ишканалар товарларды бат жана арзан жеткире албай, жакшы иштей албай жатышат. Мындай абалда өлкөнүн жолун, анын узундугун жана экономиканын жана калктын талаптарына шайкеш келген жолдор боюнча тезинен чараларды көрү зарыл.
Жаңы шарттарда эффективдүү иштөө үчүн жолчулар жол уюмдарына гана эмес колдонуучуга тиешелүү шарттарды түзүүсү керек. Бул биринчи кезекте тиешелүү ылдамдык, коопсуздук, ыңгайлуулук, жол кызматтары жана жүк ташуучу унааларды көтөрө алгыдай жол. Дал ушул нерселерден жолдогу унаалардын техникалык-экономикалык көрсөткүчтөрү көз каранды: орточо ылдамдык, жүк ташуу, бензин чыгымы, дөңгөлөктөрдүн эскириши ж.б.
Жаңы экономикалык шарттар учурдагы унаа жолдордун абалынан такыр башкача мамилени талап кылат.
Кардарлардын талаптарынын жогору болушуна жооп берүү үчүн жолдордун техникалык деңгээлин, колдонуу абалы (геометриялык параметри, жолдун сапаттуулугу, түздүгү, жол жээктеринин бекемделүүсү ж.б.), инженердик жабдуулар менен камсыз кылуу керек.
Кезектеги жол оңдоо иштеринде кемчиликтер бар: эскилиги жеткен жолдордогу аңдарды кайра толтуруп коюу. Муну түп тамыры менен өзгөртүү зарыл. Жолдордун бузулушун алдын алуучу пландык иштер жүрүүсү кажет. Бул үчүн колдонуудагы жолдун абалын аныктоо зарыл. Жүктүн таасири, климаттык факторлор, жолго кам көрүү деңгээли каралууга тийиш.
Жогоруда айтылгандын баары диагностика жүргүзүү боюнча көп иштерди жасоо керектигинен кабар берет. Жыл сайын борбордо оңдоо иштери 100 % болуп келсе, аймактарда бул маселе каралбайт дагы. Ошондуктан Транспорт министрлиги көчүп жүрүүчү 2 лаборатория алуусу керек.
