Кыргызстандын жергиликтүү бийлик органдары үчүн LADA үлгүсүндөгү 550 унаа келиши мүмкүн. Бул тууралуу Тольяттинин жергиликтүү басылмалары жазды.
Маалыматка ылайык, Орусиянын Самара облусунун Тольятти шаарынын башчысы Сергей Анташев Кыргызстанга жасаган сапарында жергиликтүү бийлик органдары үчүн LADA үлүгүсүндөгү 550 унаа алып келүү боюнча сүйлөшүү жүргүзөт.
Кыргызстандын жергиликтүү өзүн-өзү башкаруу органдары LADA Vesta, LADA Granta и LADA 4×4 автоунааларын алууга кызыктар экендигин билдирген.
Сергей Анташевдин Кыргызстанга болгон сапары келерки жумага белгиленген. Ал Орусия шаарларынын биримдиги жакынкы коңшу мамлекеттер менен кызматташуу иш-чараларынын алкагында ишке ашат.
Булак: Марал радиосу
