Эми кезек транспортко дагы жетти. Экономиканын бул түрү жалпы рынок чындыгында бар экенин көрсөтүп турган чыныгы мисал боло алат. Интеграция жана салыксыз бажы тууралуу көп нерсени айтса болот, бирок сиз ЕАЭБге мүчө болгон бир өлкөдөн экинчи өлкөгө товарыңызды маселе жок өткөрө албасаңыз– бул экономикалык биримдик эмес.
Кыргызстандын транспорт жана жол министрлиги ЖКга “Административдик жоопкерчилик тууралуу КРнын Кодексине “ өзгөртүүлөрдү киргизүү тууралуу мыйзам долбоорун сунуштады. Ага ылайык, ЕАЭБ өлкөлөрүнүн жүк ташуучулары Кыргызстандын ичинде жүк ташуу ишин жүргүзө алышат, бирок албетте, бир нече талаптарды аткаруу менен.
Жаңы жобого ылайык, каботаждык ташуу эрежелерин бузгандарга 500 көрсөткүчтөгү айыппул салынат. Бул иштер Кыргызстан “2016–2025-жылдарга ЕАЭБге мүчө мамлекеттерде ташуучулардын каботаждык автомобилдик жүк ташууларын баскыч-баскыч менен либералдаштыруу программасына” кошулгандыгына ылайык жүрүүдө.
Ошентип биздин өлкө ЕАЭБдин экономикалык аймагында биздин экономиканы реалдуу интеграциялоо үчүн дагы бир кадам жасоодо. Бул биздин транспорттук компанияларга ЕАЭБге мүчө мамлекеттерде каботаждык ташууну тоскоолдуксуз жүргүзүүгө шарт түзүп берет.
Бул мамлекеттердин транспорттук компаниялары биздикине слыштырмалуу сапаттуу техника менен камсыз болгон. Бирок баага карай турган болсок, биздин компаниялар атаандаштыкта туруштук бере алат. Учурда бул өтө маанилүү.
Ошондуктан бул жобону ЕАЭБге мүчө мамлекеттерде жана бизде кабыл алуу менен биздин компаниялар кошумча киреше табууга мүмкүнчүлүк алышат. Ошондой эле транспорттук кызмат көрсөтүү үчүн кайра уюштуруу иштерине кетчү убакытка ээ болушат. Бирок бул убакыт аздык кылат.
Ошондуктан керек болгон учурда орусиянын транспорттук компаниялары каалаган каржылык эмес жардамды ала алышат. Бул көрүнүш биздин компанияларга тиешелүү эмес.
