Кыргызстандан барган 45 окуучу Кытайдын лагеринде эс алышат. Бул иш-чараны КЭРдин Билим берүү министрлиги уюштурууда. Анда ШКУга мүчө-мамлекеттердин орто мектептеринде окуган окуучуларга Кытайдын лагеринде эс алууга мүмкүнчүлүк берилет.
Жалпысынан лагерде Кыргызстандан, Казакстандан, Тажикстандан жана Өзбекстандан барган 200 окуучу эс алышат. Кыргызстандын баардык аймактарынан окуучулар тандалып алынганын Билим берүү жана илим министрлигинен билдиришти.
“Ар бир облустан 4 окуучу жана Ош шаарынан 7, Бишкектен 10 окуучу барат. Аларды 5 адам коштоп жүрмөкчү”,-деп билдиришти басма сөз кызматынан.
