Жуманын ортосунда ЖКнын комитети “Баалуу кагаздар тууралуу КРнын мыйзамдарына өзгөртүүлөрдү киргизүү” тууралуу мыйзам долбоорун биринчи окууда жактырды.
Эми мыйзам аркылуу облигациялар эмитентине бир катар талаптар киргизилүүдө. Облигацияларга ээ болгондордун чогулушу деген түшүнүк киргизилди, анда облигационерлер чогулушуп облигацияларды чыгаруудагы өзгөртүүлөр боюнча макулдугун бериши керек.
Мыйзам долбоору баалуу кагаздар рыногундагы инвесторлорду коргоо жана облигацияларды айлантуу тертибин жөнгө салат.
Мындан сырткары баалуу кагаздар боюнч документтерди тапшырылганда документтерди кароону узартуу мүмкүнчүлүгү киргизилүүдө.
Мыйзамдын 18-беренесине өзгөртүү киргизилүүдө. Ага ылайык, чет элдик эмитенттердин баалуу кагаздардын ээсине эсептөө жүргүзүү мүмкүнчүлүгү берилет.
Эми потенциалдуу инвесторлорго баалуу кагаздардын чыгарылышы тууралуу маалымат жеткиликтүү болот.
