10 жыл бою жергиликтүү авиакаттамдар эл аралык авиациялык стандарттарга жооп бербей келет. Бул өлкөнүн авиапаркынын жаңырбаганына байланыштуу болот, ал эми сатып алуу боло турган болсо, анда эскирген, өз доорун сүрүп бүткөн жабдуулар сатылып алынат.
ИКАОнун талаптарына ылайык, аба транспорту бир нече эрежелерге жооп берүүсү керек. Мунун баары авиациялык коопсуздукту камсыз кылат.
Биздин учактар менен учкандар учуп бара жатып коркуу эмне экенин абдан жакшы билишет. Айрым учурларда учак мына-мына жарылып кетчүдөй абалда болот. Бирок бул учактын техникалык эрежелерине кирет.
ИКАОнун биринчи талабы жүргүнчүлөрдүн өздүгүн жакшылап текшерүү. Баары стандартташтырылган болуусу керек. Маалыматтарды берүүчү PNR глобалдык системи башка авиакаттамдар менен маалымат алмашып турууну жеңилдетүү үчүн киргизилген.
Орусияга мындай талаптардын киргизилүүсү менен авиакомпаниялар учуу учурунда эрежелерди бузган жүргүнчүлөр менен болгон маселени чечүү аракетин көрүп келишет.
Жарандык авиациянын жетекчилигинин жыл сайын алмашуусу маселени чечпейт.
Бул жерде комплекстүү иш алып баруу кажет жана мамлекеттик колдоо дагы абдан маанилүү. Мындай темп менен кете берсе Кыргызстанда авиация илең-салаң болуп тура берери анык.
Азыр болсо маалыматтардын электрондук базасын эл аралык PNR системасына ылайык келтирип, стандартташтыруу иштерин жүргүзүп баштаса болот.
