Алардын кадамдары барган сайын өзгөчө болуп келүүдө. “Жакшы адамдар биз аларга эмне айткыбыз келгенин түшүнүшөт”,-дейт «БИОМ» экологиялык кыймылынын менеджери Михаил Яковлев. Бул кыймыл өзүнөн кийин түтүн калтыруучу отунду, көңдү, тезекти, көмүрдү колдонбостон жаратылышта экологиялык “таза” тамак даярдоо ыкмаларын бир нече жолу көрсөтүп келген.
“Чайнектеги суу 10 мүнөттө кайнап чыгат, ал эми жумуртка болсо 5–7 мүнөттө куурулат. Биз жада калса казанда күрүч басканбыз. Мындай меш салттуу мештерди колдонуу менен абанын көмүр кычкыл газы менен булганышынан сактайт. Себеби бул булгануулардын төрттөн бир бөлүгү үй кожейкелеринин айынан болууда”,-дейт « БИОМдун» менеджери жана “ашпозчусу” Илья Меляков көмөч казанга жумурткаларды чагып жатып.
Маалымат үчүн.
Мындай өзгөчө тамактын даамын татып көрүүнү каалагандардын саны өсө баштады, баарына куурулган жумуртканын даамы өзгөчө болчудай сезилип жатты. “Ой кадимки эле жумурткадай экен. Мага да бериңизчи, ооз тийип көрөйүн”,-деп жатышты.
Тилекке каршы, эрежелерге ылайык өтө жакшы нерсенин дагы кемчилиги болот эмеспи. Бул мештин бир кемчилиги – ал дайыма иштей бербегендигинде. Ал күн жакшы тийгенде гана иштейт.
Бирок Кыргызстанда мындай күндөр 270тен ашык экенин эстен чыгарбоо керек!
“БУУнун жана башка ири уюмдардын демилгеси менен тамак бышыруу үчүн “таза” мештерди колдонуу боюнча Бүткүл дүйнөлүк Альянс түзүлгөн. Бул демилге эффективдүү мештерге муктаж болгондор үчүн жеткиликтүүлүктү камсыз кылууга багытталган. Негизги максат 2020-жылга карата 100 млн үй чарбаларын тамак жасоо үчүн эффективдүү жана коопсуз мештер менен камсыз кылуу.
Мындан баары утушка ээ болушат: жаратылыш, адам. Өзүбуз текшерип көрдүк!
Ирина Байрамукова
