Мыйзам Кыргыз Республикасынын Жогорку Кеңеши тарабынан 2016-жылдын 16-ноябрында кабыл алынган.
Президент Алмазбек Атамбаев «2013-жылдын 31-майында Минск шаарында кол коюлган Айыл чарба өсүмдүктөрүнүн, мөмө-жемиш өсүмдүктөрүнүн жана жүзүмдүн көчөт материалдарынын сортторунун жана гибриддеринин үрөнүн өндүрүүнү көп тараптуу мамлекеттер аралык адистештирүү жана жеткирип берүү жөнүндө макулдашууну ратификациялоо тууралуу» Кыргыз Республикасынын Мыйзамына кол койду.
Макулдашууну ратификациялоо Кыргыз Республикасынын айыл чарба тармагынын үрөнчүлүк секторуна айыл чарба продуктыларынын, мөмө-жемиш жана жүзүм өсүмдүктөрүнүн сортторунун үрөндөрүн жана гибриддерин өндүрүүнү жана алып келүүнү көп тараптуу мамлекеттер аралык адистештирүү чөйрөсүндө КМШ мамлекеттери менен кызматташууну өнүктүрүүгө өбөлгө болот.
ЖМКда акыркы убактарда Кыргызстандын азык-түлүктөрүн Бажы союзуна мүчө мамлекеттерге киргизбей койгондугу тууралуу маалыматтар байма-бай жарыяланып келет. Ошондой эле ЭКОНОМИКА дагы бул тууралуу жазган эле.
Бул фитосанитардык шарттарга жана макулдашууларга гана эмес өнүмдүн сапатына дагы байланыштуу.
Көз карандысыздыкты алгандан бери Кыргызстанда селекция жана үрөн өндүрүү боюнча адистер калган эмес. Үрөндүн сапаты, өзгөчө дан үрөндөрүнүн сапаттары өтө начар.
Ал эми буурчактар болсо өтө төмөн баада сатылып алынууда. Бул дагы азыктын сапатынын начардыгына байланыштуу делинип келет.
Ошондуктан мыйзамдын кабыл алынуусу агрардык тармактагы абалды жакшыртат.
