Кыргызстанда экономикалык санарип курганга азыр адистер жетиштүү.

–Цифралык экономикага өтүү деп айтсак туура болот. Цифралык экономикага өтүү албетте абдан жакшы нерсе. Бул жакшы максатты алдыга койдук. Эми ишке ашыруу үчүн жакшы аракеттер керек. Ал үчүн мамлекет башында билимсиздер эмес билимдүүлөр отурушу керек. Цифралык экономиканы эмес, жөнөкөй экономиканы түшүнбөгөн адамдарды мамлекет башына койбой тескерисинче өткөн экономиканы, азыркы экономиканы, дүйнөлүк экономиканын да цифралык экономиканын дагы айырмасын билген билимдүү адам иш алып барса цифралык экономика ишке ашат. Тескерисинче тотугушча билген адамдардын сөзүн кайталай берсе бул идея ишке ашпайт. Бизде илимдүү, билимдүү жаштар толтура. Бирок тилекке каршы билимдүү жаштарга суроо-талап жок. Тескерисинче дежур, криминал, билимсиз жаштарга суроо талап жогору. Азыр илимдүү тың, экономист балдар чет-өлкөлүк чоң фирмаларда, компанияларда иштеп жүрүшөт. Кыргызда “Акыл жаштан, асыл таштан” деген жакшы макал бар. Биздики баары тескери болуп калган.

–Чынын айтканда азыркы мезгилдин талабы. Азыр ким биринчи экономикалык санарипке өтсө ошол утат. Жапондуктар болсо мындан 50–60 жыл мурда өтүп, азыр Жапония дүйнө жүзү боюнча үчүнчү орунда. Ошон үчүн эч кандай кен байлыктары жок эле өнүгүп кетишти. Жапонияда туруп Америкадагы, Германиядагы, Түштүк Кореядагы машина чыгаруучуларга долбоорлорду берип жатышат. Бизде дагы жогорку окуу жайлардын саны көп, кесипчилик окуу жайлар, колледждерибиз бар. Ошол окуу жайларда ай-ти кызматын өздөштүргөн жаштарды тарбияласак экономикабызга киреше булагын толтурууга абдан чоң жардам болмок. Экинчиден, биздин балдар ойлоп табууга, илимге жакын. Мен ойлойм, кара жумушка иштебей интернет аркылуу ар түрдүү жумуштарды аткарып, өзгөчө ай-ти технологиянын тилин түшүнүшсө келечектери кеңири болмок.

Үч жыл мурун биздин өндүрүүчүлөр 120миллионго бааланган иштерин аткарышты. Экинчи жылы үч жүз миллион, былтыр болсо 100млн сомго аткарды . Эмки жылкыга шарт түзүп берсеңер үч миллион долларлык азыктарды чыгарабыз деп жатат. Ошолорго тиешелүү салыктарды төлөтүп, керек болсо Кумтөрдүн кирешесинен жогору киреше тапса болот.

Бул жалаң эле Кыргызстанда чектеле турган иш эмес. Бул бир түрдүү эле эмес ар түрдүү экономиканын өсүп өнүгүүсүнүн келечеги. Биздин балдар ар түрдүү олимпиадаларда орун ээлеп жатышат. Окуу жайлар Кудайга шүгүр коңшу мамлекеттерге карганда жакшы. Өзбекстан, Тажикстанга, Түркмөнстанга салыштырмалуу санариптик экономика менен экономикабызды алдыга жылдырууга мүмкүнчүлүгүбүз бар.

-Бийликтин санариптик өкмөт курушуна жакшы карайм. Өзүм 2012–2014-жылдары экономикалык стратегия жазышканга жардамым тийген. Ошол стратегия өкмөттү алдыга жылдырат деп ишенем.

Бир гана жетиштүү түрдө саясий эрк керек. Анткени бул жерден билесиздер бүт маалымат ачыкка чыкканда корупция жасоо кыйынчылыка учурап калат. Ошон үчүн көп жылдан бери электрондук экономиканы курганга каршылык катуу болуп келет.

Андан сыркары мурда кесипкөй адистер жетишпесе, азыр адистер жетиштүү болду. Кээ бир мамлекеттик ишканалар санариптик өкмөт жасаганга жакшы көмөк көрсөтүп жатышат. Ичинде жакшы таланттуу балдар да пайда болду. Аткарганга болот деп ишенем.