Бул тууралуу маалымат “Зерно Он-Лайн” маалыматтык агенттигинде пайда болду.
Буудайдын түшүмү 7%га же 654 000 тоннага азайган. Казакстандан жана Орусиядан жогорку сапаттуу буудайдын алынып келип жатканына байланыштуу эгин эгүү бир топ азайган.
Ал эми жүгөрүнүн түшүмдү начар бере баштагандыктан, анын түшүмү 14%га же 550 миң тоннага түшүп кеткен.
Арпанын түшүмү болсо 14%га же 420 тоннага көбөйгөн.
Биздин өлкө данды импорттоодон көз каранды. Импорттолгон дандардын негизгиси буудай болуп саналат. Бул сезондо буудайды импорттоо 10%га же 550 миң тоннага жогорулоосу мүмкүн.
Кыргызстанга буудай жана ун испорттогон негизги мамлекет бул Казакстан. Ага карабастан Орусиядан алынып келинген буудай 2010–2011-жылдардагы 6%дан 2015–2016-жылдары 20%га өскөн.
2016-жылы өлкөнүн агрардык тармагында иштегендер үчүн оор болду. Жаздын жана жайдын жаанчыл болуусу көпчүлүк дыйкандардын түшүмүнө терс таасирин тийгизди.
Ал эми жер семирткичтердин өз убагында колдонулбаганы же каражаттын тартыштыгынан такыр эле колдонулбаганы болсо түшүмдүн аз болуусуна, айры жерлерде такыр эле жок болуусуна алып келди.
Түшүмдүн азайуусунун негизги себеби дыйкандардын агротехнологиялар менен таныш болбогондугунда.
