1-январдан тарта ЕАЭБге мүчө мамлекеттерден КРга алынып келинген мунай заттары (анын ичинде унаа бензини, дизель майы, мазут да бар) Бажы Биримдигинин “унаа жана авиация бензинине, дизель майына, реактивдүү кыймылдаткычтар майына жана мазутка болгон талаптар” тууралуу техникалык регламентке жооп берүүсү керек. Тактап айтканда бензин жана дизель майы К4 жана К5 экологиялык класстарга ылайык болуусу керек.
Бажы биримдигинин техникалык регламенттерин Кыргыз Республикасында киргизүү тартибине ылайык, Евразиялык экономикалык комиссиясынын 2016-жылдын 26-январындагы №11-коллегиясынын чечими менен “унаа жана авиация бензинине, дизель майына, реактивдүү кыймылдаткычтар майына жана мазутка болгон талаптар” тууралуу техникалык регламент 2019-жылдын 12-августунда күчүнө кирет.
