Бул тизмеге кирген 190 өлкөнүн ичинен биздин мамлекет 75-орунга илинген, 2015-жылы биз 73-орунда элек.
Бул Кыргызстанда бизнести өнүктүрүү үчүн шарттар тиешелүү деңгээлде болбой артта калганын билдирет.
Эл аралык рейтингдеги орундар инвесторлорду тартууга аракет кылган ар бир өлкө үчүн маанилүү. Позиция канча жогору болсо, өлкөгө инвестиция тартуу ошончолук оңой болот.
Министрдин орун басары министрликте инвестициялык климатты жакшыртуу үчүн чаралар каралганын жана Кыргызстан артта калып бара жаткандыктан көрсөткүчтү жакшыртуу үчүн тиешелүү иштер жасалып жатканын билдирди.
Электр тармактарын колдонуу жана туташууга өзгөчө көңүл бурулуп жатканы айтылды.
Минэкономдо дагы эки пункт бир кыйла кылдат мамиле кылууну талап кылат, булар: төлөөгө жөндөмсүздүктү чечүү жана келишимдердин аткарылуусун камсыз кылуу.
Биздин ата мекендик өндүрүүчүлөр эл аралык деңгээлде камсыз кылуу үчүн жетиштүү тажрыйбага ээ эмес жана баарын кандай болсо ошондой жасап көнүп калышкан.
Премьер – министр Сооронбай Жээнбеков мамлекеттик органдарга 2017-жылдын 1-майына чейин кыска мөөнөттүү иш чараларды аткаруунун баарын камтыган чараларды кабыл алууну тапшырды.
