Өкмөт башчы Кыргызстан ИӨБ менен кызматташтыкты өнүктүрүүгө артыкчылыктуу маани берерин белгиледи жана өлкөнүн социалдык-экономикалык жактан өнүктүрүү боюнча колдоо көрсөтүп жаткандыгы үчүн ыраазычылык билдирди.
Жолугушуунун жүрүшүндө тараптар 10–15 жылга белгиленген узак мөөнөттү кызматташтык долбоорго кол коюу боюнча макулдашышты.
Премьер-министр бул максаттарды ишке ашыруу үчүн Кыргызстандын вице-премьер-министри башында турган жумушчу топ жөнөтүлөөрүн белгиледи.
Андан тышкары ал өлкөнү өнүктүрүү үчүн андан кем эмес маанилүү делген саламаттык сактоо тармагындагы долбоорлорду белгилеп кетти.
Жолугушунун жыйынтыгында Өкмөт башчы Сапар Исаков ИӨБнын президенти Бандар М.Х. Аль-Хаджарды 2018-жылы сентябрда Ысык-Көл жээгинде өтө турган Үчүнчү Дүйнөлүк көчмөндөр оюндарынын ачылыш аземине катышуу үчүн Кыргызстанга келип кетүүгө чакырды.
