Кыргызстандын сырттан алган карызынын жалпы көлөмү 9 млрд доллардан ашык. Бул тууралуу Финансы министринин орун басары Мирлан Байгөнчөков билдирди.
Анын ичинен энергетика тармагына 2 млрд 77 млн доллар алынган, бул жалпы насыянын 21 пайызын түзөт.
Депутат Чыныбай Турсунбеков энергетика тармагына ири көлөмдө насыялар алынып жатса да бул тармак жаңыланбай жатканына нааразы болду.
Эске салсак, парламент жыйынында Бишкек жылуулук электр борборундагы кырдаал, аны модернизацияга жумшалган каражаттын чоо-жайы талкууланып жатат.
