2018-жылдын I кварталында Кыргызстандын КМШ өлкөлөрүнө карата экспорту 183,8 млн долларды түздү. Бул тууралуу Улуттук статистика комитетинин маалыматында айтылды.
Маалыматка ылайык, биринчи орунда Орусия турат. Бул өлкөгө карата Кыргызстандын экспортунун суммасы 73,7 млн долларды түздү. Экинчи катарда 54,6 млн долларлык товар экспорттолгон Казакстан турат. Үчүнчү орунда болсо 40,8 млн долларлык товар экспорт кылынган Өзбекстан турат.
Ал эми КМШ өлкөлөрүнүн ичинен эң аз экспорттун үлүшү Молдова мамлекетине туура келет. Бул өлкөгө 33,6 миң долларлык гана товар экспорттолгон.
Кыргызстандын экспорттук товарларынын негизгилерин өсүмдүктөр, химиялык өндүрүштөр жана кийимдер түзөт.
