Биздин гезит аймактагы коңшуларынан айырмаланып Кыргызстан бизнес-мүмкүнчүлүктөргө аз көңүл буруп жатканы тууралуу бир нече жолу жазган. Биз уялып жаткандай эле иш алып барбай келебиз.
Инвестициялардын дүйнөлүк рыногу – бул өлкөлөр арасындагы айыгышкан атаандашуу. Бул жерде достор, биргелешкен өлкөлөр жок, баары өзү үчүн жооп берет. Мамлекеттер күчүнүн барынча эл аралык капиталдарды тартууга аракет кылышып, салыктык жеңилдиктерди берип, инвесторлорду коргоого сөз берип, туруктуулукту камсыз кылуу боюнча сөз берип, атайын мыйзамдарды дагы жазып келишет. Атаандаштык бир күнгө дагы токтобойт. Ким көбүрөөк капитал тартса ошол утат жана экономика өсүшкө ээ болуп, жарандардын жашоосу жакшырат, жергиликтүү бизнес үчүн пайдалуу болот.
Учурда биздин өлкөдө чет элдик капиталды колдонууга баардык шарттар бар деп ишеним менен айта алабыз – заманбап жана либералдуу мыйзамдар, аз салыктар жана чет элдик капиталды коргоого мыйзам кепилдик берет. Аны менен катар эле ар түрдүү тармактарга инвестиция тартуу мүмкүнчүлүгү да бар. Өзүбүздө болгон көйгөйлөр тууралуу жакшы билебиз, бирок күчтүү тараптарыбызды дагы билүүбүз абзел жана аны жарнамалоо зарыл.
Форумдун уюштуруучулары (Швейцария-Борбор Азиялык Ишкерлер Кеңеши, ЭКОНОМИКА гезити жана бир нече ири инвестициялык компаниялар) форумга катышууга ар кандай тармактардын өкүлдөрүн чакырышкан. Ага Швейцариядан, Лихтенштейнден, Лондондон жана башка миллиарддаган капиталдары бар финансы борборлорунан өкүлдөр келишет. Чийки заттарга жана башка салттуу тармактарга кызыккан инвестициялык фонддордун башкаруучулары, венчурдук финансисттер дагы келишмекчи.
Форум катышуучулар үчүн ыңгайлуу болуп, анда узун монологдор аз болуп, тараптар бири-бири менен инвестициялык мүмкүнчүлүктөр тууралуу пикир алышууга шарт түзүлөт. Ата мекендик бизнес үчүн бул уникалдуу мүмкүнчүлүк.
Форумга катышуу үчүн сайтта каттоо ачык жүрүүдө.
Форумдун сайты:
www.newkyrgyzstan.com. Программа толукталып жатат, ошондуктан биздин маалыматтарга көз салып туруңуздар.
