Кыргызстандын жолдору дүйнөдөгү эң начар жолдордун катарына кирди. Бул тууралуу Индекс Глобалдык атаандаштык сайты кабарлады.
Маалыматка ылайык, тизмеге 137 өлкө кирген. Жолдордун сапаты бирден жетиге чейинки балл менен бааланган.
Эң начар жолдорго 2–3 балл берилип, тизменин башына Мавритания туруп 2 баллга ээ болду. Андан кийинки орундарда Конго, Гаити, Мадагаскар, Гвинея өлкөлөрү турат.
Ал эми Кыргызстан 2,7 балл менен аталган тизмеде 16-орунга илинди.
Жолдорунун сапаты мыкты болгон өлкөлөргө Бириккен Араб Эмираты (6,4 балл), Сингапур (6,3) жана Швейцария (6,3) кирди. Андан кийинки тизмеде Гонконг, Нидерланды, Япония, Франция, Португалия, Австрия жана АКШ өлкөлөрү бар.
