Бул тууралуу экономика министринин орун басары А.Сазбаков Эл аралык форум учурунда билдирди.
Кыргызстандын товарларын экспорттоо 2016-жылы 5,1% жогорулап, 1 млрд. 544.6 млн долларды түздү, 2015-жылы экспорт 22% төмөндөгөн.
2016-жылы Кыргызстанга товарларды импорттоо 3.7% төмөндөп, 3 млрд. 919.1 млн долларды түздү, 2015-жылы импорттун төмөндөөсү 29% болчу.
ЕАЭБге мүчө мамлекеттер арасында сооданын көлөмү 1 млрд. 962.6 млн долларды түзүп, 2015-жыл менен салыштырмалуу 18.6% азайды. Экспорт көлөмү 4.3% көбөйсө, импорт көлөмү 23.1% азайган. Кыргызстан ЕАЭБге мүчө мамлекеттердин ичинен Орусия (53%) менен жана Казакстан (44%) менен соода алакаларын жүргүзгөн.
Кыргызстанга товарлардын ташылуусу азайган жана бул жакшы көрсөткүч экенин министрдин орун басары белгиледи. ЕАЭБ менен сооданын көлөмү өсүүдө.
2016-жылдын 11 айынын жыйынтыгы менен ВСП+ статусунун алкагында Кыргызстандын 50 ишканасы Европа биримдигинин өлкөлөрүнө 66,7 млн долларлык товар экспорттошкон, товарлардын жалпы санынын 30%ын төө буурчак, 23%ын этно-кийим, мумие, бал, жаңгак, кургатылган жемиштер, 9%ын козу карын түзөт.
Белгилей кетчү нерсе, 2015-жылдын ушул убагында Европалык биримдикке товарларды экспорттоо 43,5 млн долларды түзгөн, 2016-жылы өсүү темпи 53,4%ды түзгөн.
