Кайрылууда Казакстан Республикасы 2017-жылдын 10-октябрынан тартып күтүлбөгөн жерден бир тараптуу негизде чек арадан жүктөрдүн жана жеке жактардын чек арадан өтүүсүнө тоскоолдук жаратып жатканы айтылат. Мындай аракеттердин себеби тууралуу Казакстан Республикасы тараптан алдын ала расмий билдирүү болбогону Дүйнөлүк соода уюмунун (ДСУ) көп тараптуу эрежесин бузуу болуп саналаары белгиленген.
Маалымдама:
Казакстан Республикасы 2015-жылдын 30-ноябрынан тартып Дүйнөлүк соода уюмунун толук укуктуу мүчөсү. Казакстан ДСУ башка мүчө-мамлекеттери сыяктуу Дүйнөлүк соода уюмунун алкагында кабыл алынган негизги принциптерди жана милдеттенмелерди сактоого тийиш.
Кыйла ыңгайлуу режим түзүү, ДСУ мүчө-мамлекеттери товар дүйнөнүн кайсыл өлкөсүндө өндүрүлгөнүнө карабастан токтоосуз жана сөзсүз түрдө ДСУ мүчө-мамлекеттеринен импорттолгон товарларга ыңгайлуу, жагымдуу жана артыкчылык режимин жаратуу дегенди түшүндүрөт.
Транзит эркиндиги, бул транзитке байланышкан баардык жыйымдар, эрежелер жана формалдуулукка карата Дүйнөлүк соода уюмунун ар бир мүчө-мамлекети үчүнчү өлкөгө ташыла турган жана үчүнчү өлкөдөн келген баардык товарларга башка мамлекеттердин аймагына ташып жеткирүүдө транзитке ыңгайлуу шарт түзүп берүүгө тийиш экенин түшүндүрөт.
