Арыздын өзү комиссия тарабынан 9 ай каралып, натыйжада Кыргызстанга ВСП+ (өзгөчө жеңилдиктер тууралуу жлпы схема) схемасын колдонууга уруксат берилген. Бул тууралуу ЭКОНОМИКАга министрликтин басма сөз кызматы билдирди.
Бул эмне?
Бул программа 10 жылга жазылган. Бүгүнкү күнү ВСП+ мүмкүнчүлүгү 9 мамлекетке берилген, алардын арасында Кыргызстан да бар.
Экономика министринин орун басары Эльдар Абакировдун айтымында, Кыргызстандын экспорту жалпы экспорттун 3% гана түзөт.
Биздин ишкерлер өз товарларын Германия, Бельгия, Италия, Польша, Улуу Британия ж.б. өлкөлөргө экспорттошот.
2016-жылдын тренди төө буурчактар болду, себеби аны Европа базарына чыгаруу көлөмү көбөйдү.
Кыргызстан айыл-чарба өлкөсү болгондуктан негизи чийки заттар экспорттолот.
Бажы салыгынын баасы Евробиримдиктин товардык классификациясына ылайык, 66% пайызга арзандатылган. Мисалы, кээ бир айыл-чарба өнүмүнө бажы салыгы такыр төлөнбөйт.
Бул кыргыз ишкерлери үчүн стимул болуп, экспорттун көбөйүүсүнө түрткү берет.
Евробиримдик комиссиясынын сайтында ВСП+ системасына кирген өлкөлөр кайсы товарларды салыксыз алып өтсө болору так жана даана жазылган.
Евробиримдик Кыргызстандан келген товарларды тиешелүү документтери менен кабыл алат. Тиешелүү сертификаттарды КРдагы улуттук лабораториялар бере алат.
Министрдин орун басары Э. Абакировдун айтымында, эми кыргызстандыктар өздөрүнө ишенип, экспорттогон товарларынын сапаттуу болуусуна көз салуусу керек.
