2017-жылдын 15-декабрында кыргыз-орус аймактар аралык конференциянын жүрүшүндө КРнын Экономика министри жана орусиялык X5 Retail Group компаниясынын ортосунда протколого кол коюлду.
Документке КРнын Экономика министри Артем Новиков жана X5 Retail Group компаниясынын топ-менеджери, мамлекеттик органдар менен иштешүү боюнча бөлүмүнүн жетекчиси Станислав Наумов кол коюшту.
Бул документ Кыргыз Республикасынын чарба субъекттери менен X5 Retail Group компаниясынын тармактык дүкөндөрүнүн ортосунда соода боюнча алака түзүүгө багытталган.
Иш-чарага кыргыз компанияларынын өкүлдөрү жана жетекчилери катышышты.
X5 Retail Group — орусиялык мультиформаттуу азык-түлүк компаниясы. Ал “Пятерочка”, «Перекресток», «Карусель» сыяктуу бир нече соода түйүндөрүнүн дүкөндөрүн башкарат.
Компаниянын карамагында 12 000 дүкөн бар, алар Орусиянын 6 федералдык округдарында жайгашкан жана коңшу өлкөдө өз тармагы дагы бар. Компаниянын Орусиядан, КМШ өлкөлөрүнөн, Европадан, Азиядан, Африкадан жана Латын Америкасынан 6 миңден ашуун товар ташуучулары бар.
Белгилей кетсек, бул соода тармагы менен иштешүү жеңил жана ыңгайлуу, себеби документтердин баары электрондук режимде. Бул кыргыз ишкерлери үчүн эл аралык стандарттар боюнча иш жүргүзүүгө жакшы стимул.
