Премьер-министр Сапар Исаков 8-февралда, Казастандын Кыргызстандагы Атайын жана ыйгарым укуктуу элчиси Айымдос Бозжигитов менен анын дипломатиялык миссиясынын аякташына байланыштуу жолугушту.
Жолугушуунун жүрүшүндө Өкмөт башчы Айымдос Бозжигитовго Кыргызстандагы эки өлкө кызматташтыгын чыңдоого багытталган жемиштүү иши үчүн ыраазычылык билдирди.
Өз кезегинде Айымдос Бозжигитов эки өлкө соода-экономикалык жүгүртүүнү 1 млрд АКШ долларына чейин жогорулатууга мүмкүнчүлүк бар экенин белгиледи.
Ошондой эле ал Өкмөттүн «Таза Коом» программасын ишке ашыруу алкагындагы санариптик экономикага өтүү боюнча пландарына жараша Кыргызстандын алдында жаңы мүмкүндүктөр ачылып жаткандыгын айтты.
