Кыргызстан менен Казакстандын Чек ара кызматтары УКМК менен биргелешип өткөргөн «Бирлик-2018» операциясы учурунда аткезчилик менен алек болгондор кармалды. Кыргыз-казак чек арасындагы «Чоң-Капка» көзөмөл өткөрүү пунктунан жүк ташуучу Mercedes-Benz унаасы кармалып, андан мыйзамсыз өткөрүлүп келе жаткан тамекилер табылган.
Жүк Кыргызстандан Казакстан аркылуу Россияга бара жаткан. Унааны текшерүү учурунда жалпы баасы болжол менен беш миллион сомдук 100 миң куту тамеки табылган.
Тамекинин көбүндө Тажикстандын акциздик маркалары бар экен. Жүктү документсиз өткөрүүгө аракет кылганы үчүн үч кыргызстандык, бир россиялык жаран кармалды
Тиешелүү документтер толтурулган соң жүк УКМКнын кызматкерлерине өткөрүп берилген.
