Президент Сооронбай Жээнбеков Башкы прокурор Өткүрбек Жамшитовду кабыл алды.
Башкы прокурор 2018-жылдын 8-февралындагы Коопсуздук кеңешинин чечимдеринин аткарылышы, 17-майдагы Сот реформасы боюнча кеңешинин чечимдерин жана 22-майдагы Жарлылыгын аткаруу боюнча көрүлүп жаткан чаралар тууралуу маалымат берди.
Жээнбеков прокуратура органдары коррупцияга каршы аракеттенүү боюнча ишти улантууга тийиш экенин жана максатка жетүү үчүн колдо бар ресурстардын баарын колдонуу зарылдыгын баса белгиледи.
Мамлекет башчы жакында кол коюлган документердин – Сот реформасы боюнча кеңештин чечимин жана соттук-укуктук реформаны ыкчамдатууга багытталган президенттин Жарлыгын аткаруу тапшырмасын берди.
Өткүрбек Жамшитов Башкы прокуратура тарабынан бир нече жумушчу топтор түзүлүп, аларга коюлган милдеттерди аткарууга байланыштуу маселелерди иштеп чыгуу тапшырылганын кабарлады.
