Кошумча нарк салыктарын мыйзамсыз кайтарып алуудан өлкөгө зыян келтирилген 847 млн сомдун 600 млн сому аныкталып, кылмыш иши козголду. Бул тууралуу “Ата Мекен” фракциясынын жыйынында башкы прокурордун орун басары Бөкөнбай Казаков билдирди.
Анын айтымында, Улуттук коопсуздук боюнча мамлекеттик комитет бул иштин негизинде эки кылмыш ишин ачты.
Мындан тышкары, Башкы прокуратура өкмөттүк комиссиянын бардык мүчөлөрүнө кылмыш ишин козгоп, баарын УКМКга жиберген.
Эске салсак, кошумча нарк салыгы боюнча түзүлгөн өкмөттүк комиссия 2016–2018-жылдары жасалма документтерди колдонуп мыйзамсыз аракеттерге баргандыктан мамлекетке 847 миллион сомдук зыян келтирилген.
