Коопсуздук кеңешинин кийинки жыйыны 8-февралда КРнын президенти Сооронбай Жээнбековдун төрагалыгы астында өтөт. Ал жыйын сот, укук коргоо органдарындагы коррупция менен күрөшкө арналат.
Transparency International жылдык индексинде Кыргызстан 176 өлкөнүн ичинен коррупцияга каршы туруу боюнча 136-орунда экени жазылган, демек бул коррупция кулач жайып жатат дегендик. Балл боюнча ала турган болсок, Кыргызстан 100 баллдын ичинен 28 гана алган.
2012-жылдан тарта кызматтык жана экономикалык кылмыштар боюнча 6 миң 915 кылмыш иши козголгон. Өз кезегинде 6695 кызмат адамына айып коюлган.
