Жогорку Кеӊештин Бюджет жана финансы боюнча комитети ички мамлекеттик жол-жоболорду жүргүзүү максатында иштелип чыккан КМШ Экономикалык сотунун статусу жөнүндө Макулдашууга өзгөртүүлөрдү киргизүү жөнүндө Протоколду ратификациялоо жөнүндө мыйзам долбоорунун концепциясын жактырды.
2016-жылы КМШ мамлекет башчыларынын Кеңешинин отурумунда «КМШнын учурдагы чындыктарына ыңгайлашуу зарылдыгы жөнүндө» жана «КМШнын Экономикалык соту жөнүндө» чечимдер кабыл алынып, мүчө-мамлекеттерге КМШнын Экономикалык сотун ad hoc форматына которуу жана анын аппаратынын санын кыскартуу боюнча тиешелүү чараларды кабыл алуу тапшырмасы берилген.
Ал эми 2017-жылы КМГ Тышкы иштер министрлеринин Кеңешинин отурумунда «КМШнын Экономикалык сотунун статусу жөнүндө Макулдашууга өзгөртүүлөрдү киргизүү жөнүндө» протоколдун долбоору Кыргыз Республикасынын республикалык бюджетте каралган каражаттардын чегинде каржылоого катышуусу тууралуу эскертме менен жактырылган. Эми ал Протоколду ратификациялоо милдети турат.
