Бул маселе күн мурун вице премьер-министр Дайыр Кенекеевдин катышуусунда өткөн жыйында көтөрүлүп, мунайды түз жеткирүү боюнча кошуна өлкө Өзбекстан менен сүйлөшүү жүргүзүү тиешелүү жетекчилерге табышталды.
Жыл жаңырар алдында Кыргызстан менен Өзбекстандын президенттеринин жолугушуусунан кийин Рсссиядан Өзбекстан аркылуу Кыргызстанга темир жол менен мунай ташууда арзандатылган тариф киргизилди. Эгерде бул иш жүзүнө аша турган болсо түштүк облустарына тургай күйүүчү майлар Өзбекстандын Анжияны аркылуу түз жеткирилет.
Мунай ташууда арзандатылган тариф системасы Кыргызстанда бир топ жылдан бери ишке ашпай келген.
Бул сыяктуу ири кырсыктар акыркы учурларда көп катталууда. Алсак, ушул эле жолдо 16-январь күнү «DAF» үлгүсүндөгү күйүүчү май ташыган унаа жолдон чыгып, оодарылып кеткен. Мунун айынан цистернадагы 37 тонна солярканын эки тоннасы төгүлгөн.
Өткөн жылдын күз айында “Вольво” үлгүсүндөгү күйүүчү май ташыган автоунаа менен “Хонда-Фит” жеңил машинеси кагылышып, жеңил автоунаадагы беш киши өрттөнүп кеткен.
Ай сайын Россиядан Кыргызстанга 80 миң тоннага жакын күйүүчү май ташылып келинет. Анын дээрлик жарымына жакынын өлкөнүн Ош, Жалал-Абад, Баткен облустарына кетет.
Кыргызстемир жолу ишканасынан билдиргендей, Өзбекстан темир жолу транзитин арзандатып берсе, эл үчүн пайдалуу болмок
Ушл тапта айына 30 миң тонна га жакын күйүүчү май Бишкек аркылуу түштүк облустарга ташылууда.
Адистер мунайды темир жол аркылуу туз жеткирүү экономикалык жактан гана пайдалуу болбостон унаа жолдорунун сапатын сактоого, ар кандай тобокелчиликтерди жоюуга, анын ичинде кан жолдо кырсыктарды болтурбоого өбөлгө болот деп үмүт артууда.
Назгүл Бостонбаева
