Өткөн жылы мамлекет паракорчулуктун айынан 670 миллион сом зыян тартты. Бул тууралуу премьер-министр Мухаммедкалый Абылгазиев Жогорку Кеңештин тармактык комитетинде билдирди.
Анын айтымында, 2017-жылы коррупция боюнча 1037 кылмыш иши козголгон. Паракорчулуктун өлкөгө зыяны 607 миллион сомго жетти.
Мындан тышкары, жол тармагын жакшыртууга былтыр 4,4 миллиард сом сарпталды. Бул көрсөткүч 2016-жылдыкына салыштырмалуу 400 миллион сомго аз. 2017-жылы өлкө боюнча 345 чакырым жолго асфальт төшөлдү. Кайрак жерлердин 1085 гектары суу менен камсыз болду.
Учурда парламенттин Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитети премьер-министрдин отчётун угууда.
