Премьер-министр Сапар Исаков Жогорку Кеңештин спикерине кат жолдоп, депутаттар алдында сөз сүйлөөнү өтүндү.
Парламент депутаттары өкмөттүн отставкасы тууралуу саат 14.00дө талкуу кылышат. Ал жыйынга Исаковдун келиши күтүлүүдө.
Бүгүн, президент Сооронбай Жээнбеков өкмөт башчыны отставкага кетирүү боюнча буйрукка кол койду.
Жарлыкка ылайык, өкмөттүн жаңы курамы түзүлгөнгө чейин премьер-министр, вице-премьер-министрлер жана башка өкмөт мүчөлөү ээлеген кызматына ылайык, милдеттерин аткарууну улантышат.
Сапар Исаковдун отставкасы үчүн 101 депутат макул, 5 эл өкүлү каршы болду.
