Өкмөт башчы Мухаммедкалый Абылгазиев бүгүн өнөр жай, энергетика жана жер казынасын пайдалануу боюнча мамлекеттик комитеттин башчысы Уланбек Рыскуловду кабыл алды. Бул тууралуу өкмөттүн маалымат кызматы кабарлады.
Жолугушууда Уланбек Рыскулов кыргызстандын өнөр жайын өнүктүрүү боюнча беш жылдык туруктуу стратегиясы иштелип жатканын айткан. Ал эми өкмөт башчы Абылгазиев, энергетика тармагындагы акыркы окуялар элдин бийликке болгон ишенимин азайтканын белгилеп, энергетика тармагын тезинен жандантуу керектигин кошумчалаган.
Ошондой эле, алдыдагы күз-кыш мезгилине карата даярдыкты азыртан көрүп баштоо керектигин тапшырган.
