Өкмөт башчы Сапар Исаков бүгүн, 30-январда кечки саат 16.00го чейин калаа жашоочуларынын үйүнө жылуулук берилерин убада кылды. Бул тууралуу ал “Ачык өкмөт” аталышында өтүп жаткан жыйында айтты.
Анын билдирүүсүндө, Адистер Бишкек жылуулук борборундагы аварияны калыбына келтирүүнүн жолун табышты. Жакынкы сааттарда жылуулук берилет.
Келечекте ушундай кемчиликтер кайталанбашы үчүн өкмөт алдын ала ойлонуп, жабдыктарды оңдоп-түзөөнү өз убагында жасашы керек.
Исаков муну менен катар эле электр энегиясына болгон тарифтер боюнча да ойлонуу керектигин айтып өттү.
