«Бир айыл – бир продукт» ассоциациясынын долбоору аймактарды өнүктүрүү ишинде маанилүү болуп саналат. Бул тууралуу премьер-министр Мухаммедкалый Абылгазиев бүгүн, 28-майда аталган ассоциациянын ишмердиги менен таанышуу учурунда билдирди.
Абылгазиев өкмөттүн ишмердигиндеги артыкчылыктуу багыт аймактарды өнүктүрүү болуп саналаарын белгилеп өттү.
Анын айтымында, жаңы айыл чарба технологияларын жана билимдерди колдонуу менен гана коюлган тапшырмаларды ишке ашыруу мүмкүн.
Айыл чарбасын комплекстүү өнүктүрүү региондордун социалдык-экономикалык абалына оң таасир берет.
Айыл чарбасын комплекстүү өнүктүрүү региондордун социалдык-экономикалык абалына оң таасир берет.
Өлкөдөгү Япония эл аралык кызматташтык уюмунун туруктуу өкүлү Казухико Кикучи бул долбоордун концепциясы айыл жерлеринде кошумча жумуш орундарын түзүүгө, атамекендик айыл чарба продукцияларын чет элдик базарларга жөнөтүүгө жана аймактарды комплекстүү өнүктүрүүгө багытталганын билдирди.
Анын айтымында, Японияда Кыргызстанда өндүрүлгөн ак эспарцет балына суроо-талап көп. Ал чыгарылган продукцияны өндүрүү үчүн жергиликтүү, аймактык гана сырье колдонуларын өзгөчө белгиледи.
Белгилей кетсек, «Бир айыл – бир продукт» Ассоциациясы кийиз буюмдарды, сувенирлерди, бал, жапайы мөмөлөрдөн кыям жана шире өндүрүүгө адистешкен 2000ден ашуун жергиликтүү өндүрүүчүлөрдүн бирикмеси болуп саналат.
