Депутат Руслан Казакбаев Нарын областындагы райондордун акимдеринен региондорду өнүктүрүүнүн алкагындагы пландарын талап кылып, алардын аткарылышына көзөмөлдүктү күчөтүшүбүз керек, — дейт 22-июнда “Республика – Ата Журт” парламенттик фракциясынын Нарын областында өткөн көчмө жыйында.
Депутат ошондой эле чет элдик инвестиция келмейинче ички инвестицияга таянып ишти жетиштүү деңгээлге жеткире албайбыз, — деди.
“Жайлоо балдар бакчасы” эң көп ачылган аймак дагы Нарын областы. Бул тууралуу жасалып жаткан жакшы иштер да тааныштырылды.
Көчмө жыйындын чечими менен тааныштырган фракция лидери Жыргалбек Турускулов, — түндүк – түштүк жолунун 3-фазасы башталбай жаткандыгы такталсын деп өкмөткө тапшырма берилгендигин айтты. Чакан, орто ишкердиктерди колдоо, инвестиция тартуу, иш орундарын түзүүдө жеңилдетилген каржылоо иштери банк тармагына табышталарын билдирди. Соң – Көл көлүнүн аймагын экологиялык жактан текшерүү иштери жандандырылсын, — деген пункттар фракция чечимине кошумчаланды. Кен байлык чыккан жерде кирешенин 2%ы аймактын керектөөлөрүнө жумшалсын деген сунуштар да чечимде камтылды.
