Коңшу өлкөнүн Улуттук банкынын маалыматына ылайык, сатылган алтындардын салмагы 24 килограммды түзөт. Баалуу металлдар куймаларын сатуу боюнча мамлекеттик программанын иштегенине аз эле убакыт болгону менен айрым акча алмаштыруучу жайлардын ээлери бул өнүмгө кызыгууларын билдиришти.
В Кемине недовольны деятельностью кыргызско-китайской горнодобывающей компании "Алтын-Кен"
Мамлекеттик программанын ишке ашырыла баштаганынан бери 3 ай убакыт өттү. 24 килограммдык 620 алтын куймалары сатылды. Эң көп сатылгандары 10 граммдык куймалар. Биринчи ай маалыматтык ай болуп саналды. Эксперттер бул өнүмгө болгон кызыгуулар кадимки көрүнүш экенин белгилеп кетишти.
Кымбат болгонуна карабастан 100 граммдык куймалар калк арасында популярдуу болуп, инвестиция каражаты катары колдонулууда.
Казакстандын Улуттук банкы бул каржылык куралды мындан ары дагы өнүктүрүүнү көздөөдө жана акча алмаштыруучу жайлардын ээлери менен сүйлөшүүлөрдү жүргүздү. Алар болсо калкка кызмат көрсөтүүнүн кеңейгендигинде кызыкдар болушту.
Кыргызстандын акча алмаштыруучу жайлары болсо азырынча алтын куймаларын сатууда тажрыйбасы жок негизинен бул иш менен коммерциялык банктар алек болушууда.
Казакстандыктарда акча алмаштыруучу жайлар алтын куймаларын сатуу жана сатып алууну жүргүзүшүп, акча алмаштыргандай эле таблолоруна алтын тууралуу маалыматтарды жайгаштырыша алышат деген ой пайда болду. Куймалар эч кандай экспертизаны талап кылбагандыктан акча алмаштыруучу жайлары аларды сата алышат.
Валюталык жөнгө салуу боюнча мыйзамды иштеп чыгууда Казакстандын Улуттук банкы акча алмаштыруучу жайларга мүмкүнчүлүк түзүп бергени жатышат, себеби бул экономиканын дедолларизация болуусун алдын алат.
Эске сала кетсек, үстүбүздөү жылдын жазында коңшулардын Улуттук банкы аффинаждалган алтын куймаларын сатуу жана сатып алуу боюнча программаны ишке киргизген. Куймалар 10, 20, 50, 100 грамм болуп Казакстандан чыгарылат. Банк анын салмагын унций менен эмес грамм менен белгилемекчи, себеби бул учурда адамдар эсептегенге ыңгайлуулук жаралат.
Белгилей кетсек, Казакстанда инвестициялык алтынга КНС алынбайт, демек аны киреше менен сатса болот. Кимдин Казакстанда тууганы болсо алтынды алдыртса болот. Бирок дедолларизацияга байланыштуу теңгенин долларга болгон курсунда чоң айырмачылыктар бар экенин эске алуу керек.
