Коңшу өлкөдө куш тумоосу күч алганына байланыштуу тоок этин жана жумуртка алып келүүгө тыюу салынды.
Бул тууралуу Ветеринардык жана фитосанитардык мамлекеттик инспекциясынын жетекчиси Калысбек Жумаканов 27-мартта билдирди.
ЖКнын агрардык саясат, суу ресурстары, экология жана аймактык өнүгүү комитетинде жыйын болду. Анда жаныбарларга терс таасирин тийгизүүчү вирустук оорулардын чыгуусу, эпизоотикалык абал боюнча талкуу болду.
Евразиялык биримдикке кирген өлкөлөр дагы мындай коркунучтарга кириптер болууда.
Мекеменин жетекчиси төмөнкүлөрдү билдирди:
“Казакстанда жана Орусияда ири мүйүздүү малдардын тери оорусу катталган жана анын кесепетинен 95% ири мүйүздүү малдар өлүүдө. Бизде бул оору катталган эмес. Ал өлкөлөрдө оору чыгары менен Орусиядан жана Казакстандан уй этин алып келүүгө тыюу салынган”.
Тери оорусу жана куш тумоосу ири мүйүздүү малдардын ички органдарын жабыркатат жана айрым учурларда өлүмгө алып келет.
Өткөн айда биздин Мамлекеттик инспекция тарабынан Кытайдан тоок этин жана жумуртка алып келүүгө тыюу салынган.
Эми аткезчилер арзан баадан пайда табам деп бул азыктарды алып келишпесе эле болду.
