Нефтетрейдерлердин бензинге жана дизель майына болгон баа жогорулабайт деп билдиргенине карабастан, баалар жогорулоодо.
Ошондой эле Казакстандан аткезчилик жол менен күйүүчү май ташуу да жогорулады. Кичинекей партиялар менен ташышууда.
Жыйын учурунда Монополияга каршы жөнгө салуу башкармалыгынын жетекчисинин кызматын убактылуу аткарып жаткан Саида Умарбекова жергиликтүү нефтетрейдерлер 126 тоннага аз бензин алып келишкенин билдирди.
Умарбекованын айтымында, азыр дизель майынын алынып келүүсү 98,6 тоннаны түзгөн.
Май куюучу жайларда бензинге болгон баа литрине 1 сомго кымбаттады. Дизелге болгон баа мурункудай эле кармалып турат.
Монополияга каршы кызматтын өкүлү баалар орусиялык компаниялар күйүүчү майларды дүңүнөн сатуу баасын жогорулаткандыктан баалар өсүүдө.
Орусияда болсо мекемелер майды импорттоону кыскартышып, ички рынокту камсыз кылуу менен алек болууда, ошондуктан баалар 28%га өскөнүн Умарбекова билдирди.
ЭКОНОМИКА буга чейин Орусия ОПЭК өлкөлөрүнүн мүчөсү экенин жана алар нефтини өндүрүүнү 2017-жылдын ортосуна чейин кыскартуу боюнча келишимге кол койгонун билдирген эле.
Бул экономикалык жактан Орусияга пайдалуу, анткени аз көлөмдөгү майды берүү менен Орусия ошол эле акчаны алат.
Күйүүчү майга болгон баалар дагы да жогорулайт. Негизги оюнчулар бар болгон дүйнөлүк экономикалык картага Кыргызстан кирбейт жана кичинекей өлкөдө майга болгон баанын жогорулап жатканы эч кимди кабатыр кылбайт.
