Завод «Тассай» деп аталган индустриялык аймакта ачылды.
Бүгүнкү күнү бул аймакта 24 инвестициялык долбоор ишке ашырылууда, алардын бири ортопедиялык буюмдарды чыгаруучу ТОО заводу.
ЭКОНОМИКА буга чейин Казакстанда жана Орусияда өнөр-жай ишканалары ишке киргизилип жатканы тууралуу жазган эле. Бул белгилүү бир багытта билими бар биздин жарандардын коңшу өлкөлөрдө жумушка орношуусуна мүмкүнчүлүк берет.
Ишкана түштүк-кореялык заманбап технология менен жабдылган жана 500 миң бинт, 274 миң ортопедиялык буюм чыгаруу күтүлүүдө. Завод Казакстандын жана коңшу өлкөлөрдүн рыногун толугу менен камсыз кыла алат. КМШ өлкөлөрүндө буга окшогон заводдор жок.
Кыргызстанда болсо учурда айыл-чарба тармагын өнүктүрүүгө басым жасалууда.
Мындан сырткары Кыргызстан кластердик өнүктүрүүнү колго алды. Ысык-Көл облусундагы кластерлердин бири жергиликтүү дыйкандар менен иш алпарып келет жана былтыркы жылдын жыйынтыгында 8 ишкердин өнүмү экспортко чыгарылды.
Албетте, Кыргызстандын экономикасын башка өлкөлөрдүн экономикасы менен салыштырып болбойт, бирок Кыргызстан экономикалык жактан гүлдөгөн мамлекет болуусуна мүмкүнчүлүктөр көп.
Бул үчүн каалоо жана мүмкүнчүлүк гана эмес, бюрократиядан жана коррупциядан арылуу үчүн эрктүүлүк керек.
