Ичүүчү суунун тарифи тууралуу коңшу өлкөлөр тууралуу сөз кыла турган болсок, мисалы Казакстандын Астана менен Алматы шаарында коммуналдык тейлөөлөрдүн акысы жыл сайын көтөрүлүп келет. Кыргызстандан айырмаланып, бул кошуна өлкөдө ар бир аймак үчүн өзүнчө баа бычылган. Коңшу өлкөдө тарифтердин өсүшүнө теңгенин кунсузданышы да бирден бир себеп.
“Астана суу арнасы” ишканасы да 2016-жылы ичүүчү суунун куб.метри үчүн бааны 72 жарым теңгеден 94 теңге 25 тыйынга чейин көтөрүүгө аракеттенген. Мындай баа Кыргызстандын сому менен 19 сомго барабар. Тактап айтканда азыркы ичүүчү сүүнүн баасы биздикине караганда 3 эсе кымбат.
