Бул бир нече факторлорго байланыштуу. Бул жерде тобокелчиликтер, салыктар жана башка шарттар болот. КМШдагы башка өлкөлөр менен салыштырмалуу Кыргызстанда мыйзам лоялдуу жана бизнестин өнүгүүсүнө чоң мүмкүнчүлүктөр бар. Бирок кандай болгон күндө дагы бизнес өсө баштаганда анын кызыкчылыктары бир өлкөдөн сырткары чыга баштайт.
Учурда ишкер болуу престиждүү, ири корпорациялардын ээлери өздөрү жазган китептерде жеке бизнес ачууга чакырып келет. Бирок айрым учурларда бизнести нөлдөн баштабай эле койсо болот, себеби казак рыногунда даяр бизнес боюнча бир катар сунуштар бар.
Алматынын борборунан кофейня алуу үчүн 5 млн теңге жетет. Мындай сунуштар Астанада дагы бар бирок 10 млн теңге сурашат. Кофе индустриясынан сулуулук жана ден соолук дагы артта калбайт. Сулуулук салондору, beauty-барлар жана сауналар дагы көп суроо талапка ээ. Мейманкана кызматы дагы четте калган эмес. Алматыда мейманкана комплекси 1,3 млрд теңгеге бааланган.
Даяр бизнестин тизмесинде товарларды өндүрүү дагы бар: мисалы, Алматыдагы кондитердик цех 15млн теңге турса, Кызылордодогу тигүү фабрикасы 450 миң теңге.
Каалоочулар жада калса жылкы фермасын дагы сатып алышса болот. Анын баасы 22 млн теңге.
Казакстанда билим берүү мекемелери дагы сатыкта бар: балдар үчүн, интеллектуалдык борборлор, балдар бакчалары, окуу мекемелери жана менталдык арифметика мектеби.
Компанияларды сатуунун негизги себептери?
Кыргызстанда даяр бизнестер кызмат көрсөтүү түрүндө болуп келет. Бирок рынок өтө чоң эмес, ошондуктан эгерде бир өлкөнүн алкагында иштей турган болсоңуз, тажрыйбалуу болуу менен казак рыногуна дагы кирсеңиз болот. Эн башкысы каражат жана чыдамкайлык керек, ошондой эле башка өлкөнүн мыйзамдарын билүү зарыл.
